Tresna Rasul Lan Buktine - Khutbah Jum'at Bahasa Jawa

Kabeldakwah.com

Tresna Rasul Lan Buktine.Pdf

Oleh: Ust. Dr. Abu Zakariya Sutrisno

Alih Basa: Muhammad Wasito

Khutbah Kapisan:

الْحَمْدُ لِلهِ الَّذِيْ بِنِعْمَتِهِ تَتِمُّ الصَّالِحَاتُ، وَبِفَضْلِهِ تَتَنَزَّلُ الْخَيْرَاتُ وَالْبَرَكَاتُ، وَبِتَوْفِيْقِهِ تَتَحَقَّقُ الْمَقَاصِدُ وَالْغَايَاتُ

أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ

اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

 يَا أَيُّهَا الَّذِينَ آمَنُوا اتَّقُوا ﷲ حَقَّ تُقَاتِه وَلا تَمُوتُنَّ إِلا وَأَنْتُمْ مُسْلِمُونَ ( ال عمران: ١۰٢)

أَمَّا بَعْدُ:

Jama’ah ibadah Jum’ah rahimakumullah,

Langkung rumiyen sumangga kita tansah muji syukur ing ngarsa dalem Allah. Awit sedaya nikmat ingkang kaparingaken dumateng kita. Sak lajengipun, sholawat lan salam mugi tansah kacurah ing panutan kita, nabi Muhammad shallallahu ‘alaihi wasallam. Mboten katalumpen lumantar mimbar Jum’at punika, khatib ngemutaken diri khatib piyambak,lan jama’ah sedaya tansaha ningkataken keimanan lan ketaqwaan dumateng Allah subhanahu wa ta’ala.

وَتَزَوَّدُوا فَإِنَّ خَيْرَ الزَّادِ التَّقْوَى

“Lan padha goleka sangu, lan sejatine sak becik- becike sangu yaiku takwa.” (QS. Al-Baqarah: 197)

Kaum muslimin rahimakumullah,

Wulan punika, Rabi’ul Awwal, wulan kelahiran Nabi Muhammad shallallahu ‘alaihi wasallam. Allah sampun paring anugrah kanthi ngutus Nabi Muhammad minangka Rasul ingkang hanuntun kita tumuju bebener. Rasul ingkang hanuntun manungsa saking kesesatan tumuju pituduh,saking kesyirikan tumuju tauhid. Rasul ingkang nggadahi akhlak mulya. Rasul ingkang sampun berkorban samukawis ipun kangge nyampiaken risalah ingkang Allah tumurunaken. Rasul ingkang estu welas asih ing umatipun.Allah paring dawuh,

لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَءُوفٌ رَحِيمٌ

“Temen wus tumeka marang sira kabeh sawijining Rasul saka kaum sira dewe,deweke karasa abot marang rekasanira, temen ngarep-arep (kaimanan lan kaslametan) kanggo sira, temen welas asih marang wong-wong mukmin.” (QS At Taubah: 128)

Rasulullah punika estu welas asih dumateng umatipun. Pramila kita minangka umatipun temtu sampun sak pantesipun tresna dumateng Rasul. Piyantun muslim wajib tresna Rasulullah nglangkungi tresnanipun dumateng punapa kemawon, sak sampun ipun tresna dumateng Allah. Rasulullah shallallahu ’alaihi wa sallam paring sabda,

لاَ يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَلَدِهِ وَوَالِدِهِ وَالنَّاسِ أَجْمَعِينَ

Durung sampurna imane salah sawiji antarane sira kabeh, nganti aku luwih ditresnani tinimbang anake, wong tuwane, lan manungsa sakabehe.” (HR. Bukhari dan Muslim)

Piyantun ingkang tresna Allah lan Rasulipun, bade estu-estu ngraosaken manisipun iman. Mboten wonten ingkang langkung ageng tinimbang nggayuh katresnanipun Allah lan Rasulipun. Rasulullah shallallahu 'alaihi wa paring sabda:

ثَلاَثٌ مَنْ كُنَّ فِيْهِ وَجَدَ بِهِنَّ حَلاَوَةَ اْلإِيْمَانِ، مَنْ كَانَ اللهُ وَرَسُوْلُهُ أَحَبَّ إِلَيْهِ مِمَّا سِوَاهُمَا، وَأَنْ يُحِبَّ الْمَرْءَ لاَ يُحِبُّهُ إِلاَّ للهِ، وَأَنْ يَكْرَهَ أَنْ يَعُوْدَ فِي الْكُفْرِ بَعْدَ أَنْ أَنْقَذَهُ اللهُ مِنْهُ، كَمَا يَكْرَهُ أَنْ يُقْذَفَ فِي النَّارِ

“Ana telung perkara, yen dumunung ing sawijining uwong, deweke bakal nicipi manise iman, yaitu: (1) Allah lan Rasule luwih ditresnani tinimbang apa wae. (2) Yen deweke tresna sawijining uwong, tresnane mung karana Allah. (3) Deweke ora seneng bali menyang kekafiran sak wise Allah nyelametake deweke, kaya dene deweke ora seneng dibuwang menyang geni.” (HR Bukhari dan Muslim)

Tresna dumateng Rasulullah mboten kenging namung sekedar ngaku- aku. Kedah wonten buktinipun. Katah tyang ingkang ngaku tresna Rasulullah ananging namung ing lisan. Amalanipun tebih sanget saking punapa ingkang dipun contohaken Rasulullah. Lajeng, punapa bukti bilih kita estu-estu tresna Rasul?

📌Angka setunggal, taat mring Rasul.

Tresna ing Rasul punika konsekuensinipun ngestoaken dawuhipun. Piyantun ingkang tresna, temtu bade tansah mbudi daya manut dumateng ingkang dipun tresnani. Kados dene ing satunggiling sya’ir,

لو كان حبك صادقا لأطعته

إن المُحِبّ لمن يحب مطيع

“menawa tresnamu jujur mesti sira bakal manut mring deweke. Sejatine wong kang tresna iku, marang wong kang ditresnani mesti manut.”

Wajib mungguhing kita taat perintah Rasulullah lan nebihi awisanipun. Napa malih kanthi teges Allah paring dawuh,

يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ

“He wong kang padha iman, ngestokna marang Allah lan ngestokna marang Rasule…” (An-Nisaa’: 59)

Aneh menawi kita ngaku tresna Rasul ananging mboten ngleksanaaken perintahipun lan nerjang laranganipun.

📌Angka kalih, nuladani lan ittiba.

Tresna Rasul punika majibaken kita ittiba’ (manut) lan nuladani. Rasulullah punika sak sae- saenipun tuladan ing panggesangan kita.

لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ

“Temen wus ana ing (diri) Rasulullah iku suri tuladan kang becik kanggo sira kabeh. (QS. Al Ahzab: 21)

Aneh menawi kita ngaku tresna Nabi ananging perilaku kita tebih sanget saking punapa ingkang Rasul contohaken. Bukti kita tresna dumateng Rasul njih punika manut lan nyonto. Satemah Allah ugi negesaken bilih bukti tresna dumateng Allah njih punika kanthi manut kalawan Rasul. Allah ‘Azza wa Jalla paring dawuh,

قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ

“Dawuha, menawa sira (bener-bener) tresna ing Allah,nuli padha ngestokna ( ajaran ku), mesti Allah remen marang sira lan paring pangapura ing dosa-dosanira, Allah iku Maha Pengapura lan Maha Asih.” (Qs. Ali ‘Imran: 31).

📌Angka tiga, ngegungaken sunnah lan syariatipun.

Kalebet bukti tresna Rasulullah njih punika kanthi ngegungaken sunnah-sunnah lan syariatipun. Aneh menawi kita ngaku tresna Nabi ananging mandar ngremehaken syariatipun.

📌Angka sekawan, nulung lan nglajengaken dakwahipun Nabi.

Kalebet tanda tresna dumateng Rasulullah njih punika kanthi nerusaken dakwahipun lan nulung syariatipun. Ampun ngantos kita ridha syariat punika dipun asoraken. Ing antawisipun umat Nabi ingkang paling nresnani Nabi njih punika para sahabat. Pramila para sahabat berjuang kaliyan Nabi lan nglajengaken perjuanganipun sak pengker Nabi wafat. Sami ngurbanaken bandha lan jiwa kangge nulung Rasulullah lan dakwahipun

فَالَّذِينَ آمَنُواْ بِهِ وَعَزَّرُوهُ وَنَصَرُوهُ وَاتَّبَعُواْ النُّورَ الَّذِيَ أُنزِلَ مَعَهُ أُوْلَـئِكَ هُمُ الْمُفْلِحُونَ

“Mula wong-wong kang iman marang deweke (Rasul) mulyaake, nulung lan atut pepadang kang tumurun marang Rasul(Al Qur'an),hiya wong-wong iku mahu kang padha untung.” (QS Al A’raf: 157)

Makaten khutbah kapisan ingkang saged kaaturaken, mugya manfaati.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah Kapindho:

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ

Jama’ah ibadah Jum’ah rahimakumullah.

Piyantun ingkang beriman punika sanget - sanget nresnani Allah. Allah Subhanahu wa Ta’ala paring pangandika:

وَالَّذِينَ آمَنُوا أَشَدُّ حُبًّا لِلَّهِ

“Lan wong-wong kang beriman temen-temen tresna marang Allah.” (QS Al-Baqarah:165)

Lan kalebet wujud tresna mring Allah njih punika tresna dumateng utusan ingkang Allah kirim ing kita sami. Allah sampun hangutus nabi kita, Nabi agung Muhammad shallallahu ‘alaihi wasallam, pramila sumangga kita tresnani panjenengan ipun. Tresna kanthi tulus. Tresna ingkang nglangkungi punapa kemawon. Satemah nglangkungi tresna kita dumateng diri kita piyambak.Wonten kisah elok saking Amirul Mukminin Umar bin Khattab radhiyallahu anhu. Kasebat ing satunggil hadits saking Sahabat ‘Abdullah bin Hisyam Radhiyallahu anhu, ingkang ngabaraken: “Kita- kita ngiringi Nabi Shallallahu ‘alaihi wa sallam, lan panjenengan ipun nggandeng tanganipun ‘Umar bin al-Khaththab Radhiyallahu anhu. Banjur ‘Umar matur dumateng Nabi Shallallahu ‘alaihi wa sallam: ‘Duh Rasulullah,estu paduka sanget kula tresnani nglangkungi punapa kemawon kajawi diri kula.’ Nabi Shallallahu ‘alaihi wa sallam paring wangsulan: ‘Ora, demi (Allah)

kang jiwaku ing astane, nganti aku tenan-tenan ko tresnani ngluwihi awakmu dewe.’ Banjur ‘Umar matur: ‘Estu sak punika, demi Allah, paduka sanget kula tresnani nglangkungi diri kula piyambak. Nabi Shallallahu ‘alaihi wa sallam ngendika: ‘Saiki (lagi bener),he ‘Umar.’” (HR. Bukhari no. 6632)

Jama’ah rahimakumullah,

Kita wajib tresna Allah lan Rasulipun tinimbang punapa kemawon. Lan kita kedah estu- estu mbuktiaken tresna kala wahu kanthi taat mring Allah lan Rasulipun. Ampun ngantos kita ngaku tresna ananging kita langkung mentingaken sanesipun. Ampun ngantos kita mlengos saking perintah Allah lan Rasulipun namung gegara ajrih kaliyan manungsa, utawi sekedar ewuh pekewuh kalawan manungsa. Ampun ngantos kita ngaku tresna Rasul ananging nglampahi samukawis ingkang nyalahi sunnah lan tuntunanipun. Sumangga kita buktiaken tresna kita. Mugi Allah nggampilaken kita dados piyantun- piyantun ingkang estu tresna Allah lan Rasulipun lan tundanipun mangke, Allah lan Rasulipun tresna dumateng kita. Amien. Sumangga kita tutup khutbah punika kanthi sholawat lan doa.

إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا

اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ

رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ

رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ

وَصَلَّى اللَّهُ عَلَى نَبِيِّهِ مُحَمَّدٍ وَآخِرُ دَعْوَانَا أَنِ اَلْحَمْدُ لِلَّهِ رَبِّ اَلْعَالَمِينَ