Kautaman Ali Bin Abi Thalib - Khutbah Jum'at Bahasa Jawa

Kabeldakwah.com

Kautaman Ali Bin Abi Thalib.Pdf

Oleh: Ust. Dr. Abu Zakariya Sutrisno

Alih Basa Jawi: Muhammad Wasito

Khutbah Kapisan:

الْحَمْدُ لِلهِ الَّذِيْ بِنِعْمَتِهِ تَتِمُّ الصَّالِحَاتُ، وَبِفَضْلِهِ تَتَنَزَّلُ الْخَيْرَاتُ وَالْبَرَكَاتُ، وَبِتَوْفِيْقِهِ تَتَحَقَّقُ الْمَقَاصِدُ وَالْغَايَاتُ

أَشْهَدُ أَنْ لاَ إِلهَ إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ

اَللهُمّ صَلّ وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

 يَا أَيُّهَا الَّذِينَ آمَنُوا اتَّقُوا ﷲ حَقَّ تُقَاتِه وَلا تَمُوتُنَّ إِلا وَأَنْتُمْ مُسْلِمُونَ ( ال عمران : ١۰٢)

أَمَّا بَعْدُ :

Jama’ah ibadah Jum’ah rahimakumullah.

Langkung rumiyen sumangga kita tansah syukur dumateng Allah.Awit sedaya nikmat ingkang Allah paringaken. Sak lajengipun sholawat lan salam mugi tansah kacurah ing panutan kita, nabi Muhammad shallallahu ‘alaihi wasallam. Mboten kesupen lumantar mimbar Jum’at minulya punika,khatib ngajak diri khatib piyambak lan jama’ah sedayanipun, tansaha ningkataken keimanan lan ketaqwaan dumateng Allah subhanahu wa ta’ala.

وَتَزَوَّدُوا فَإِنَّ خَيْرَ الزَّادِ التَّقْوَى

“Lan padha cepakna sangu, lan yekti dsk becik- becike sangu yaiku takwa.” (QS. Al-Baqarah: 197)

Kaum muslimin rahimakumullah,

Manungsa utama saking umat punika non injih para Sahabat Rasulullah. Rasulullah shallallahu ‘alaihi wasallam paring sabda:

خَيْرُ النَّاسِ قَرْنِي، ثُمَّ الَّذِينَ يَلُونَهُمْ، ثُمَّ الَّذِينَ يَلُونَهُمْ

“Sek becik- becike manungsa yaiku kang urip ing zamanku. Banjur sak wise lak sakwise maneh” (HR Bukhari dan Muslim)

Sedaya sahabat Nabi punika manungsa pilihan lan piyantun ingkang nggadahi kautaman ingkang katah sanget. Kalebet sahabat Rasulullah ingkang paling utami njih punika Ali bin Abi Thalib radhiyallahu ‘anhu. Ali Bin Abi Thalib punika amirul mukminin (pemimpin kaum muslimin) ke-4 sak pengker Abu Bakar, Umar lan Utsman radhiyallahu anhum ajma’in. Ali punika sepupu Rasulullah non injih anak pamanipun, AbuThalib lan Ali ugi minangka putra mantu Rasulullah,garwa saking putri Rasulullah: Fatimah az Zahro. Ali bin Abi Thalib nggadahi katah sanget kautaman, ing antawisipun:

📌Angka sepisan: Kalebet khulafa’ur Rasyidin lan dijamin mlebet suwarga.

Ali kalebet salah satunggil saking sekawan khulafa’ur rasyidin non injih: Abu Bakar, Umar, Utsman lan Ali. Punika sedaya piyantun- piyantun pilihan ingkang dados pemimpin kaum muslimin,lan sedaya sampun kajamin mlebet suwarga kados ing hadits ingkang shahih nyariyosaken 10 piyantun ingkang masuk surga (العشرة المبشرون بالجنة). Saking ‘Abdurrahman bin ‘Auf radhiyallahu ‘anhu,ngabaraken, Rasulullah shallallahu ‘alaihi wa sallam sabda, “Abu Bakar ing suwarga, ‘Umar ing suwarga, ‘Utsman ing suwarga, ‘Ali ing suwarga, Thalhah ing suwarga, Az-Zubair ing suwarga, ‘Abdurrahman bin ‘Auf ing suwarga, Sa’ad (bin Abi Waqqash) ing suwarga, Sa’id (bin Zaid) ing suwarga, Abu ‘Ubaidah bin Al-Jarrah ing suwarga.” (HR. Tirmidzi no. 3747, sanad hadits ini sahih).

📌Angka kalih: Kalebet piyantun ingkang sepisanan mlebet Islam.

Ali bin Abi Thalib ngrasuk islam ing yuswa ingkang sanget muda. Syaikh al Albani ngendika: “Wong lanang dewasa lan merdeka kang sepisanan beriman yaiku Abu Bakar.Saka kalangane bocah yaiku Ali bin Abu Thalib Radhiyallahu anhu. Saka kalangan wanita yaiku Khadijah, garwa Rasulullah Shallallahu ‘alaihi wa sallam. Lan saka kalangan budak yaiku Zaid bin Haritsah al Kalbiy. Semoga Allah meridhai mereka, serta membuat mereka menjadi ridha” (Shahihus Siratin Nabawiyah, hlm. 99).

Ali mlebet Islam rikala umur pitung tahun, wonten ingkang ngendika aken wolung tahun, wonten ugi ingkang ngendikaaken sepuluh tahun. Rikala semanten Ali manggen sareng Rasulullah. Ali tumut berhijrah sak pengker Rasulullah shallallahu ‘alaihi wa sallam medal saking kota Makkah.

📌Angka tiga:Ali sanget- sanget cerak kaliyan Rasulullah.

Ali wiwit alit manggen sareng Rasulullah. Ali dipun asuh dening Rasulullah lajeng pinundhut dados mantu. Punika nedahaken kados punapa caketipun Ali kalawan Rasulullah. Ali ningkah kalawan putri Rasulullah (Fatimah) lajeng mijilaken Hasan lan Husein. Kekalihipun minangka putu kinasih Rasulullah lan saking kekalihipun, keturunan Rasulullah berlanjut. Hasan lan Husein punika pangarep pemuda ahli surga kados kasebat ing hadits:

وَأَنَّ الْحَسَنَ وَالْحُسَيْنَ سَيِّدَا شَبَابِ أَهْلِ الْجَنَّةِ

“Sak temene Al-Hasan lan Al-Husain iku pemimpin para pemuda ing suwarga.” (HR. Tirmidzi, no. 3781. Al-Hafizh Abu Thahir mengatakan bahwa sanad hadits ini hasan).

Ali asring kadawuhan dening Rasulullah kangge nggentosi kedudukan Rasulullah. Sak derengipun hijrah Rasulullah dawuh marang Ali bin Abi Thalib supados nggentosi Rasulullah sare ing dipanipun kangge ngelabuhi tyang kafir Quraisy. Rasulullah shallallahu ‘alaihi wa sallam dawuh supados mberesaken utang piutang Rasulullah lan ngangsulaken barang-barang ingkang dipun titipaken dumateng Rasulullah. Sak lajengipun Ali nyusul Rasulullah sak bibaripun ngleksanaaken perintahipun lan tumut berhijrah.

Rasulullah nate dawuh dumateng Ali kangge nggentosi ing Madinah: Saking Sa’ad bin Abi Waqqash ngabaraken, “Rasulullah shallallahu ‘alaihi wa sallam nate ninggalake ‘Ali bin Abi Thalib nalika perang Tabuk (supaya njaga para wanita lan anak-anak ing omah). Ali matur, ‘Duh Rasulullah, paduka namung nugasi kula u njagi anak-anak lan wanita ing griya?’ Banjur Rasulullah paring wangsulan, ‘Apa sliramu ora lila antuk kedudukan ing sisihku kaya dene kedudukane Harun ing sisihe Musa, ya mung wae ora ana nabi sak pengkerku?” (HR. Bukhari, no. 4416 dan Muslim, no. 2404. Lafaz hadits ini dari Bukhari).

📌Angka sekawan: Allah lan Rasulipun nresnani Ali.

Dipun sebatake ing satunggil hadits bilih Rasulullah ngumumaken langsung bilih Allah lan Rasulipun nresnani Ali.Saking Sahl bin Sa’ad radhiyallahu ‘anhu, ngandaraken bilih Rasulullah shallallahu ‘alaihi wa sallam paring sabda ing perang Khaibar, “Temen bakal dak wenehake gendera iki sesuk marang wong kang bakal pikoleh kemenangan lumantar tangane,lan wong iku tresna Allah lan Rasule, lan Allah uga Rasule tresna marang deweke.” Banjur para sahabat wengine padha nguda rasa sapa kang bakale hanampa gendera iku. Ing wanci esuk, para sahabat padha ngarep- arep bisa kaparingan gendera iku. Nanging, Nabi shallallahu ‘alaihi wa sallam malah takon : Ana ngendi Ali?” Ana kang mangsuli menawa pandeleng e ‘Ali lagi lara.Banjur Nabi hangusap pandeleng e Ali lan ndungakake kabecikan kanggo deweke. Banjur Ali mari saka larane kaya- kaya ora nate lara sak durunge. Banjur gendera iku mahu diparingake marang ‘Ali lan matur, “Aku bakal merangi wong- wong iku nganti padha kaya awake dewe( islam).” Banjur Nabi shallallahu ‘alaihi wa sallam paring sabda“Jumangkaha alon- alonke nganti tumeka ing tengah-tengahe wong- wong kafir iku. Banjur ajaken mlebu Islam lan kabarna perkara-perkara kang wajib. Demi Allah, temen menawa Allah paring hidayah marang sawijining wong lantaran sliramu, iku luwih becik tinimbang unta abang.” (HR. Bukhari, no. 3009 dan Muslim, no. 2407).

📌Angka gangsal: tresna dumateng Ali dados tanda piyantun mukmin.

Allah lan Rasulipun tresna dumateng Ali bin Abi Thalib, lan kosok wangsulipun Ali tresna Allah lan Rasulipun. Kita minangka kaum muslimin ugi kadawuhan nresnani Ali. Dipun sebataken ing sawijining hadits bilih Ali bin Abi Thalib ngendika:

وَالَّذِى فَلَقَ الْحَبَّةَ وَبَرَأَ النَّسَمَةَ إِنَّهُ لَعَهْدُ النَّبِىِّ الأُمِّىِّ -صلى الله عليه وسلم- إِلَىَّ أَنْ لاَ يُحِبَّنِى إِلاَّ مُؤْمِنٌ وَلاَ يُبْغِضَنِى إِلاَّ مُنَافِقٌ

“Demi Dzat kang mbelah wewijen lan nglepasake angin. Temen Nabi wus janji marang aku, menawa ora ana wong kang tresna marang aku kajaba deweke iku mukmin, lan ora ana wong kang gething marang aku, kajaba deweke iku munafik.” (HR. Muslim, no. 78)

Makaten, kautaman- kautaman Ali bin Abi Thalib radhiyallahu ‘anhu ingkang saged kita aturaken ing khutbah kapisan punika, mugi manfaat lan kita saged mendet piwupangipun.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah Kapindho:

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. وَأَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ

Jama’ah ibadah jum'ah rahimakumullah ta’ala.

Sampun sak mestinipun kaum muslimin nresnani para sahabat Rasulullah karana sahabat punika manungsa- manungsa utama ing umat punika. Sahabat ugi ingkang mbyantu lan nerusaken dakwah islam sahingga akhiripun dumugi dumateng diri kita. Sumangga kita tanemaken rasa tresna kita dumateng para sahabat Rasulullah, utaminipun sahabat ingkang paling mulya non injih sekawan khulafaur rasyidin: Abu Bakar, Umar, Ustman lan Ali. Rasulullah paring sabda:

لا تسبوا أصحابي، فلو أن أحدكم أنفق مثل أحد، ذهبًا ما بلغ مد أحدهم، ولا نصيفه

“Aja pisan- pisan nyelathu ala marang sahabatku. Umpama sira kabeh padha infak emas sak gedhene Bukit Uhud, iku ora bisa nandingi sak mud (dua telapak tangan) utawa setengah mud e infak para sahabat.” (HR. al-Bukhari dan Muslim).

Cekap semanten khutbah ingkang saged kita aturaken ing kalodangan punika.Mugi Allah hangridhai sedaya sahabat Rasulullah lan mugi kita sageda nuladani. Amien. Sumangga kita tutup khutbah punika kanthi sholawat lan doa.

إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا

اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدّعَوَاتِ

رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلّاً لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ

رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

رَبَنَا ءَاتِنَا فِي الدّنْيَا حَسَنَةً وَفِي اْلأَخِرَةِ حَسَنَةً وَقِنَا عَذَابَ النّارِ

وَصَلَّى اللَّهُ عَلَى نَبِيِّهِ مُحَمَّدٍ وَآخِرُ دَعْوَانَا أَنِ اَلْحَمْدُ لِلَّهِ رَبِّ اَلْعَالَمِينَ